*عصيدة حساوية بيد عبق وأمها..

[عَبَق الرياحين]

بسم الله نبدأ

المقادير
تمر
طحين
فلفل أسود وناعم
ماء

بالعامي الحساوي بيكون الشرح ..

نفلّش التمر ..ولابد تكون كمية لابأس بها ..

بعدين نغسل التمر ونحطة بقدر ونصب عليه ماي بيذر ونخلطة بالخلاط

ونحطه ع النار ..مانخليه يموت سخونة ، بس يكون ساخن ونشيلة ع طول ..

إليكم الصور..

[

ثم لازم نشخله ..(يعني : اممم زي الصورة )

بعدين نحط الطحين على قولة أمي جيلتين

عاد أمي ماعندها شي أسمه مقادير ..كاس أو معلقة خخخ!!

بس ظني الجيلة الوحدة كاس ونص أو كاسين تقريباً ..

وبالخلاط حيييييييل فيهم ..

آخر شي طبعاً نحطه ع النار ونحرك فيه دوم بمعلقة خشب إلى أن ينعجن مع بعض وتستوي عصيدة نحطها بصحون مع الدهن ..

سامحونا عاد القصور ..كانت أمي مستعجلة وأهي تسطعها عشان ياكلونها حارة أحلى ..

وحقكم بالعافية أعزائي ..

 

 

[شهـد]

حركآت عبوقه ..
ولا أحلى من العصيدة الدآفيه , خصوصـًا في البرد
احنا غآلبـًا نسويهآ بالدبس ^^ , احس اسرع , بس مادري عن اختلاف الطعمـ

تسلمـ الإيآدي , إذا سوينا جمعه عليش العصيدة : d

^_^

 

 

[فجر جديد]

شيه شيه شيه حركآتات بركآتات

حمطتيني
شهودة احنا نسويها بالتمر أو بالدبس
بس بالدبس أخف من التمر
و عمرنا في حياتنا ما استخدمنا الخلاط
نلتها بـالمضربة حقت الهريسة زاتها ^_*
تسلم ايدين الوالدة و تسلم ايدينج اللي صورتها
و ألف عافية ع اللي أكلوها
ومليون هنا ع اللي شافوها
،
مشكورة خآلص ياختي خوش شغل

 

 

[هناء]

تسلم الايادي عَبَقَ والله يسلملش الوالدة
العصيدة أممممممم شكلها لذيذة
أحنا نسميها عفوسة
بس ليه الفلفل الأسود ؟
بالعافية

 

 

[جمري]

أشوف

يوم علمتكم شلون

تسون عصيدة البحارنة

نط إللي نط


تراكم تسوونها بالتمر

او الدبس


بس أحنا مشكرين

وبالشكر (السكر)


شكراً

عبق


وإللي يغار
يا فجر يسوي


وبالهناء والعافية للجميع

 

 

[عَبَق الرياحين]

اقتباس: المشاركة الأصلية كتبت بواسطة شهـد عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    حركآت عبوقه .. ولا أحلى من العصيدة الدآفيه , خصوصـًا في البرد احنا غآلبـًا نسويهآ بالدبس ^^ , احس اسرع , بس مادري عن اختلاف الطعمـ تسلمـ الإيآدي , إذا سوينا جمعه عليش العصيدة : D ^_^

هلا هلا والله شهــد ..
أمي تسويهــا بالدبس ،بس لأن ذاك اليوم بسوي كميه بسيطة جدا ،قالت لي نسويها بالتمر ..
وأهي أحلى بالتمر من الدبس ..لكن الدبس أسرع وخاصة لصارت الكميه أكبر ..

الله يسلمك يآآآآآآآآآرب يالطيبه ..

ومالش ألا طيابة الخاطر ، تفضلوا وأنسوي لكم عصيدة ..^_^

شــكراً لتواجدك ..

 

 

[عَبَق الرياحين]

اقتباس: المشاركة الأصلية كتبت بواسطة فجر جديد عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    شيه شيه شيه حركآتات بركآتات حمطتيني شهودة احنا نسويها بالتمر أو بالدبس بس بالدبس أخف من التمر و عمرنا في حياتنا ما استخدمنا الخلاط نلتها بـالمضربة حقت الهريسة زاتها ^_* تسلم ايدين الوالدة و تسلم ايدينج اللي صورتها و ألف عافية ع اللي أكلوها ومليون هنا ع اللي شافوها ، مشكورة خآلص ياختي خوش شغل

أهــــلاً بأختي فجر..

الله يعافيك ..ويسلمك ..

العفو ..العفو ..

وحقكم بالعافيه ..

 

 

[عَبَق الرياحين]

اقتباس: المشاركة الأصلية كتبت بواسطة هناء عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    تسلم الايادي عَبَقَ والله يسلملش الوالدة العصيدة أممممممم شكلها لذيذة أحنا نسميها عفوسة بس ليه الفلفل الأسود ؟ بالعافية

الله يسلمك يارب ..شكراً هناء ..

ههههههههههه الله يهديكم عاد (عفوسه مره وحده ..ليش ؟!!

الظاهر أنها تعفسكم بطعمها الحلو فسميتوها عفوسه هههههههه
والله الفلفل الأسود من المكونات الأساسيه ويعطيها أشوي حرارة ولذه بس ليش ليش؟مدري أسال لك الوالدة!!

الله يعافيك ..

 

 

[عَبَق الرياحين]

اقتباس: المشاركة الأصلية كتبت بواسطة جمري عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    أشوف يوم علمتكم شلون تسون عصيدة البحارنة نط إللي نط تراكم تسوونها بالتمر او الدبس بس أحنا مشكرين وبالشكر (السكر) شكراً عبق وإللي يغار يا فجر يسوي وبالهناء والعافية للجميع

أهلاً بـــك أخي جمري ..

أول مره أدري أن تسوونها بالسكر..
عاد شلون الطعم مادري ؟!!
العفو وحياك الله أخي ..

ربي يعافيكم ..

 

 

[ولائية دائما]

تسوونها بالتمر ؟؟شلون

ايه هاذي عصيدة حساوية

عصيدة اوجامية بالطحين وماي وسكر تشبه الخبيص بس نوعية الطحين تختلف

تسلم يدش عبووقة

 

 

[محبة نصر الله]

بسم الله الرحمن الرحيم

اللهم صل على محمد وآل محمد


سلمت يداكِ عزيزتي ....

العصيدة لذيذة جدااااااااااااااااا خاااااااااصة في عز الشتاء

بس احنا ما نستخدم الخلاط الكهربائي ما نستخدم الا المضرب حق الهريس

 

 

[عَبَق الرياحين]

ولائيه:هلا بك والله ..

شــكراً لك عزيزتي ..
وحقكم بالعافيه ..

محبة نصر الله:
اللهم صل على محمد وآل محمد

أهي العصيدة تشبه الهريس لحد ما ..لكن أمي قالت بالخلاط ..أهم شي تستوي ^^..

شكراً لك ..


عندي سؤال الأخوات : هناء وولائيه دائما ومحبة نصر الله من وين ؟

لأن مختلفين مع بعض في الأسم أو المقادير ..

 

 

[ولائية دائما]

اقتباس: المشاركة الأصلية كتبت بواسطة عَبَق الرياحين عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    عندي سؤال الأخوات : هناء وولائيه دائما ومحبة نصر الله من وين ؟ لأن مختلفين مع بعض في الأسم أو المقادير ..

عني مكتوب من القطيف-الاوجام

هناء على ماعتقد مدري وين قريت ليها انها من سيهات

ومحبة نصر الله من الاحساء

سوري على اللقافة هههه

 

 

[راوي الجرح]

تسلمين يالغلا وتسلم أناملك .. صحه وعافيه على قلوبكم
آآآآآآآآح جوعتوني

 

 

[صمت الرحيل]

يم يمممم رووعه شكلها

هم حنا نسويها بالدبس وبعد بالسكر تجنن روعه طعمها

والفلفل عشان تتحرك السعرات الحرارية وتشعرين بالدفا من حرارته هذا القصد وضع الفلفل

يسلموو عبق ربي يخلي لك الوالدة ويطول بعمرها ..:)

تحيـــ صمت الرحيل ــــاتـــ

 

 

[قبسات]

اللهم صل على محمد وآل محمد وعجل فرجهم
عصيدة من شكلها لذيذ ياعبق..بس احنا مانستخدم الخلاط الكهربائي نضربها بالمحركة الخشب على قولة فجر..ونسويها مرات بالدبس ومرات بالتمر ....تسلم ايد اللي سواها واللي اكلها واللي شافها على قولتكم

 

 

[سوسن المهنا]

لاه لاه يَا عَبق
الشَكل مُشهي ، و الطَعم و الريّحة أكيّد لاَيُعلَى عَليه
مو حَرام عليج تحطِين العَصيدة و مَا نذُّوقها؟
تِسلمْ يمِينج ويميّن الوالدة
و عليكم بالعافية يا حق

 

 

[عَبَق الرياحين]

روح الجراح .. صمت الرحيل ..قبسات ..السوسنة ..

شكراً لكم وسلمت أياديكم التي كتبت هذه الأحرف التشجيعية ..
تسلمووووووون ..

شكلي دايم بشارك في المطبخ هنا ..خخخ

 

 

[بياض]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كاسين مويه فاتر...
كاس ونص طحين اسمر منخول
ملعقتين دبس
تخليطهم مع بعض وتحطيهم على نار هادية وتبقي تحركي فيهم لمن تتماسك >>هذا المقدار يسوي هذا الصحن

اعزموووني عليها

LOL

 

 

[عَبَق الرياحين]

فرحتيني يابياض

وحاطه المقادير والصورة ..
ربي يسلمك ومشكورة لأثراء الموضوع عزيزتي ..

وعليك بألف عافية ..

 

 

[المتوج]

فيه عصيده ولا أحد يقوووول ولا يعزمونا . .
مشكوره يا عبق على الموضوع التراثي الجميل . .
وعسا هالطبخات ما تنقطع في الاحساء لان الجيل الحالي
مو حق عصيده ولا هريس هههه . .